Мадриднинг “Реал” клубида Жозе Моуринью даврида унинг ёрдамчиси сифатида ишлаган Айтор Каранка жамоа ичида бўлиб ўтган кескин ҳолатлардан бири ҳақида сўзлаб берди.
Унинг айтишича, Испания Кубоги доирасида “Валенсия”га қарши баҳсдан кейин Моуринью жамоанинг асосий юлдузи Криштиану Роналдуга қаттиқ танбеҳ берган. Бу ҳолат барча ўйинчилар кўз ўнгида содир бўлган ва португалиялик футболчи жуда ҳиссиётга берилган ҳолда жавоб қайтарган.
“Криштиану деярли йиғлаб юборай дегандек эди. У Моуриньюга қараб: ‘Мен сени шунчалик қўллаб-қувватлаган эдим-ку…’ деб жавоб берди”, — дейди Каранка.
Мутахассиснинг фикрича, Моуринью бу ҳолатни атайлаб шундай услубда ташкил қилган бўлиши мумкин. Чунки у Роналдуни бутун кийиниш хонаси олдида танқид қилиб, уни жамоада энг ишонган футболчиси сифатида кўрганини кўрсатмоқчи бўлган.
“Жозе ва мураббийлар штаби қабул қилган ҳар бир қарор фақат жамоа манфаатини ўйлаб қилинган. Унинг барча ҳаракатлари ‘Реал’нинг умумий мақсади учун эди”, — дея қўшимча қилади Каранка.
Маълумот учун, Жозе Моуринью 2010–2013 йиллар оралиғида “Қироллик клуби”ни бошқарган. Шу даврда “Реал” ички ва халқаро майдонларда йирик муваффақиятларга эришган.
“Zamin”ни Telegram'да ўқинг!
