«Борнмут» грецийалик дарвозабон Христос Мандас билан шартнома имзолаганини расман эълон қилди. Бу ҳақдаги маълумот клубнинг расмий сайтида тасдиқланди. Бу ҳақда euro-football.ru хабар беради.
«Гилослар» 24 ёшли голкиперни Римнинг «Лацио» клубидан мавсум охиригача ижара асосида олди. Келишувда сотиб олиш банди ҳам мавжуд бўлиб, у Мандас Англияда белгиланган миқдорда учрашув ўтказса, автоматик тарзда кучга киради.
Аввалроқ инсайдер Фабритсио Романо дарвозабоннинг ижараси «Борнмут»га 3 миллион евроға тушишини маълум қилганди.
Жорий мавсумда Мандас майдонга атиги бир бор тушди — Италия Кубоги ўйинида. Ўша учрашувда у дарвозасини дахлсиз сақлаб қолди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
