«Барселона»нинг ҳужумкор ярим ҳимоячиси Дани Олмо асосий таркиб учун Фермин Лопес билан кечаётган кураш борасида фикр билдирди. Бу ҳақда euro-football.ru хабар беради.
Сўнгги ҳафталарда ҳар икки футболчи ҳам юқори савияда ўйин кўрсатаётгани сабабли бош мураббий Ҳанс-Дитер Флик учун кимга кўпроқ ишонч билдириш масаласи осон эмас.
Олмонинг айтишича, улар гўёки битта позиция учун рақобатлашаётгандек кўринса-да, бу жамоа ичида ҳеч қачон муаммо бўлмаган. Аксинча, сўнгги пайтларда Олмо ва Фермин майдонда бирга кўпроқ пайдо бўлаётганини таъкидлади. «Биз бирга ўйнашга 100% мос эканимизни исботладик. У билан ўйин вақтини бўлишиб олаётганимдан хурсандман», — деди Олмо Managing Barca нашрига.
27 ёшли испаниялик футболчи охирги икки учрашувда 2 та гол уриб, 1 та голли узатма муаллифи бўлди.
“Zamin”ни Telegram'да ўқинг!
