Гвардиола Натан Акенинг Италияга кетишига қарши чиқди

«Манчестер Сити» бош мураббийи Хосеп Гвардиола марказий ҳимоячи Натан Акенни сотиш ғоясини қўллаб-қувватламаяпти. Бу ҳақда euro-football.ru хабар беради.

Қишда трансфер ойнасида нидерландиялик футболчи бўйича таклифлар кўриб чиқилиши мумкинлиги айтилганди, бироқ ҳимоя чизиғидаги жароҳатлар кўпайгани сабаб вазият ўзгарди. Voetbal International хабарига кўра, «Милан» Аке трансферига қизиқиш билдирган ва «Манчестер Сити»га сўров юборган, аммо инглиз клуби раҳбарияти ҳамда Гвардиола музокараларга киришни истамаган.

Аке билан шартнома яна бир ярим йилга мўлжалланган. Transfermarkt унинг нархини 18 миллион евроға баҳоламоқда. 30 ёшли ҳимоячига «Барселона» ҳам қизиқиш билдиргани ҳақида хабарлар тарқалган.

Sardor Ergashev

«ZAMIN.UZ» муҳаррири