«Ал-Иттиҳод» ҳужумчиси Карим Бензема яқин ўйинда майдонга тушишни режалаштирмаяпти. Журналист Санти Аунанинг хабар беришича, 38 ёшли футболчи клубнинг янги шартнома бўйича таклифидан норози бўлгани учун Саудия чемпионатидаги «Ал-Фатеҳ»га қарши учрашувни бойкот қилишга қарор қилган. Бу ҳақда euro-football.ru хабар беради.
Манбага кўра, юлдузли форвард клуб раҳбариятига аниқ позициясини билдирган: муносиб таклиф бўлмагунча у ўйнамайди.
Бенземанинг «Ал-Иттиҳод» билан амалдаги шартномаси яна ярим йилдан кейин якунга етади. У 2023 йил ёзида Мадриднинг «Реал» клубида 14 йил тўп сурганидан сўнг Саудия Арабистонига кўчиб ўтганди.
«Ал-Фатеҳ» – «Ал-Иттиҳод» учрашуви 29 январ куни бўлиб ўтади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
