Фужайрада таэквондочиларимиз 14 медал билан мавсумни ёрқин бошлади

БААнинг Фужайра шаҳрида таэквондо WT бўйича “Fujayrah Open - 2026” халқаро мусобақаси бўлиб ўтди. Мавсумдаги илк халқаро стартда қатнашган Ўзбекистон терма жамоаси ўзини куттирмади: умумий ҳисобда 14 та медаль — 2 та олтин, 6 та кумуш ва 6 та бронза жамғарилди.

Бу натижа, айниқса, мавсум эндигина бошланаётганини ҳисобга олсак, жуда ишончли сигнал: жамоа формага кириб бораяпти, рақобат эса аллақачон юқори. Мусобақа ҳақида Ўзбекистон Миллий олимпия қўмитаси хабар берди.

Олтин медал соҳиблари

• -74 кг: Нажмиддин Қосимҳожиев

• -87 кг: Ёдгор Жўрабоев

Кумуш медал соҳиблари

• -58 кг: Омонжон Отажонов

• -74 кг: Мироншоҳ Музаффаров

• -80 кг: Жасур Жайсунов

• +87 кг: Марат Мавлонов

• -53 кг: София Хан

• -57 кг: Мадина Мирабзалова

Бронза медал соҳиблари

• -58 кг: Камрон Мансуров

• -63 кг: Шамсиддин Қурбонов

• -68 кг: Диёр Тўхлибоев

• -53 кг: Лайло Зайнитдинова

• -62 кг: Севинч Хайитова

• +73 кг: Ирода Миртожиева

Қисқаси, Фужайрадан қайтган жамоа “мавсумга тайёрмиз” деган гапни медаллар билан айтиб қўйди. Энди асосийси — шу темпни туширмасдан, кейинги стартларда ҳам олтинлар сонини кўпайтириш. Мухлисларга эса битта гап: таэквондода бу йил кайф бор, кўриниб турибди.

Shuhrat Razzakov

«ZAMIN.UZ» муҳаррири