«Челси» бош мураббийи Лиам Розеньор ярим ҳимоячи Коул Палмернинг ўйинини юқори баҳолади. 7 февраль куни Палмер «Вулверҳэмптон» дарвозасига уч гол уриб, хет-трик қайд этди. Бу ҳақда euro-football.ru хабар беради.
Учрашувдан кейин Розеньор Палмернинг салоҳиятини алоҳида таъкидлади: «Биз Палмер жаҳон даражасидаги футболчи эканини биламиз. У энг яхши формага кирса, уни тўхтатиб бўлмайди», — деди мутахассис.
Коул Палмер 2023 йилда «Манчестер Сити»дан «Челси»га 47 млн евро эвазига ўтганди. Унинг Лондон клуби билан шартномаси 2033 йил 30 июнгача мўлжалланган. Жорий мавсумда у барча мусобақаларда 17 ўйинда майдонга тушиб, 8 та гол урди ва 2 та голли узатма берди. Transfermarkt портали Палмернинг бозор нархини 120 млн евроға баҳоламоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
