«Мальорка» бош мураббийи Ягоба Аррасате Испания чемпионати 23-турида «Барселона»га қарши 0:3 ҳисобида якунланган учрашувдан сўнг натижани таҳлил қилди. Бу ҳақда euro-football.ru хабар беради.
Мутахассиснинг айтишича, жамоа имкониятларини асосан биринчи таймдаёқ ишга солиб бўлган. Унга кўра, фақат яхши жисмоний ҳолат етарли эмас, вазиятлардан аниқ фойдаланиш ҳам зарур: «Барселона»нинг илк голи рикошетдан кейин келди, «Мальорка» эса 2-3 та жуда қулай имкониятни голга айлантира олмади. Иккинчи бўлимда эса энергия етишмади ва рақиб устунроқ бўлди.
Аррасате тактика бўйича ҳам фикр билдирди: Мату билан 5 нафар ҳимоячи схемасига ўтиш варианти бўлган, жамоа тўпни ёмон назорат қилмаган, аммо якунловчи зарбаларда аниқлик етишмаган. Мураббий ўйинга жон киргизиш учун уч карра алмаштириш қилган пайтда Ламин Ямал гол уриб, ҳисоб 0:2 га айланиб кетгани ва вазият янада оғирлашганини таъкидлади.
Ушбу баҳсдан сўнг «Мальорка» 24 очко билан 15-ўринда бормоқда, 58 очкога эга «Барселона» эса турнир жадвалида етакчилигини сақлаб қолди.
“Zamin”ни Telegram'да ўқинг!
