Туркия Суперлигасининг 21-туридан ўрин олган навбатдаги қизиқарли баҳсда “Эюпспор” ўз майдонида “Истанбул Башакшеҳир”ни қабул қилади. Учрашув олдидан Fanatik нашри икки жамоанинг тахминий таркибларини эълон қилди. Мухлисларни эса энг кўп қизиқтираётган савол — ҳамюртимиз Элдор Шомуродов қай тарзда майдонга тушиши.
Гап шундаки, Туркия кубоги доирасида “Фатих Карагюмрюк”ка қарши ўйинда Элдор ўзини ноқулай ҳис қилгани сабабли 26-дақиқанинг ўзидаёқ алмаштирилган эди. Аммо бугунги тўқнашувда у старт таркибидан ўйинни бошлаши мумкин. Бу — “Башакшеҳир” ҳужум чизиғи учун ҳам, ўзбек мухлислари учун ҳам катта янгилик.
Яна бир хуш хабар: Аббосбек Файзуллаевнинг ҳам асосий таркибда майдонга тушиши кутилмоқда. Демак, “Башакшеҳир” бу учрашувда ўзбек дуэти билан ҳужумда кескинлик ва тезлик қўшиши мумкин.
Fanatik тақдим этган тахминий таркиблар қуйидагича:
“Эюпспор”: Жанкат, Талҳа, Онгуене, Менди, Умут Мераш, Ташқин, Торрес, Эмре, Баран Али, Пинтор, Умут Бозок.
“Башакшеҳир”: Муҳаммад, Ўмер Али, Дуарте, Опоку, Опери, Умут Гюнеш, Кемен, Файзуллаев, Шомуродов, Харит, Селке.
Қисқаси, бугунги беллашувда “Башакшеҳир”нинг асосий умиди — марказдаги назорат ва олдиндаги тезкор ҳужумлар бўлади. Элдорнинг ҳолати ва Аббосбекнинг стартдаги иштироки эса ўйинга янада қизиқ тус бериши аниқ.
Маълумот учун, учрашув Тошкент вақти билан соат 16:30да старт олади. Mухлислар учун эса бу баҳс — “икки ўзбек майдонда, демак кайфият тайёр” деган гап.
“Zamin”ни Telegram'да ўқинг!
