Ўзилнинг «Арсенал»га ўтиш режаси кимдан чиққани маълум бўлди

"Арсенал" жамоаси футболчиси Месут Ўзил узоқ йиллик сирини ошкор қилди. Бу сир унинг "Реал"дан "Арсенал"га ўтиши борасида бўлиб, Месутнинг бундан бошқа чораси қолмаганди.

Ўша пайтда у захира ўриндиғида қолиб кетгач, Ўзил нима қиларини билмаган. Ҳатто бироз қўрққан ҳам. Яхшиси, буни ўзидан эшитамиз.

— Захира ўриндиғига олинганимни эшитиб, қўрқиб кетдим. Кейин келажагим учун ўзим ҳаракат қилишим кераклигини тушундим, — дейди Ўзил. — Аввалига қийин бўлишини билсам ҳам, Арсен Венгерга қўнғироқ қилдим. "Жаноб Венгер, бошқа жамоа қидираётганимни биринчи навбатда сизга айтишга қарор қилдим", дедим. Аслида "Реал"дан "Арсенал"га ўтишим мен учун энг оғир қарор эди. "Реал" билан ЕЧЛда ғолиб чиқиб, дунёнинг энг яхши футболчиси номига сазовор бўлишни жуда истардим. Аммо захирада ҳам қололмасдим. Венгер эса мени тушунди ва жон деб клубга олишини айтди. «Замин»ни Telegram’да ўқинг!