Мадриднинг «Реал» клубида ўнг қанот ҳимоячиси Даниёл Карвахал яна майдонга тушмади. 34 ёшли футболчи жароҳатдан фориғ бўлиб, жамоа сафга қайтганига қарамай, бош мураббий Алваро Арбелоа тажрибали ҳимоячини ўйинга қўшишга шошилмаяпти. Бу ҳақда euro-football.ru хабар беради.
Якшанба куни «Валенсия»га қарши ўйинда (2:0) ҳам Карвахал захирада қолди — бу унинг кетма-кет тўртинчи учрашувда майдонга тушмаганидир. ESPN хабарига кўра, баҳс якунидан кейин футболчи жуда ранжиган ва жамоа фитнес-мураббийи Антонио Пинтус билан суҳбатда норозилигини очиқ билдирган. Италиялик мутахассис уни руҳлантиришга уринган, бироқ бу унчалик самара бермагандек.
Карвахал жорий мавсумда «Реал» сафида 10 та учрашувда иштирок этган. Жамоа сардорларидан бири бўлган ҳимоячининг шартномаси эса келаси ёзда якунига етади.
“Zamin”ни Telegram'да ўқинг!
