Таниқли режиссёр Сарик Андреасян «Реал Сосьедад» яримҳимоячиси Арсен Захарян борасида фикр билдириб, футболчининг жароҳатлар сабаб барқарор ўйин амалиётига эга бўлаётгани қийинлигини таъкидлади. Бу ҳақда euro-football.ru хабар беради.
Андреасян «Матч ТВ»га берган изоҳида Захарян тез-тез жароҳат олиб қолаётгани учун мунтазам майдонга туша олмаётганини айтди. Унингча, ҳозир бу вазиятда фақат кутиш керак: имконият топилса, Захарян ўзини кўрсатиб, формага кириб кетиши мумкин.
22 ёшли хавбек 2023 йил ёзида «Динамо»дан «Реал Сосьедад»га кўчиб ўтган. Жорий мавсумда у барча мусобақаларни ҳисобга олганда 16 та учрашувда қатнашиб, 1 та гол урди.
Захаряннинг испан клуби билан амалдаги шартномаси 2029 йилнинг ўрталаригача мўлжалланган.
11 февраль куни «Реал Сосьедад» Испания Кубоги ярим финалида «Атлетик»ка қарши майдонга тушади. Учрашув 01:00 да (Тошкент вақти билан) старт олади.
“Zamin”ни Telegram'да ўқинг!
