07:15 / 05.03.2017

Ҳужум қироллари. Қандай қилиб “Монако” Европанинг энг самарали жамоасига айланди?

Бўлиб ўтган «Манчестер Сити» – «Монако» ўйинидан сўнг «Монако» жамоаси Европанинг энг самарали жамоаси эканликларини яна бир бор исботлашди. Zamin.uz блоги “Монако” нинг ушбу мавсумдаги фойдали юришлари ҳақида фикр юритади.

Ушбу мавсумда ўз уйида “Ницца” устидан 3:0 ҳисобида ғалаба қозонган “Монако” барча мусобақаларда урилган голларини 100 та етказиб олди ва Европанинг энг самарали жамоаси номига эгалик қилиб турибди. Францияликлардан ташқари ушбу натижани Испаниянинг “Барселона” жамоаси ҳам такрорлади. “Монегаскликлар” ва “каталонияликлар” етакчи 5 та лигада иштирок этувчи клублар орасида барча мусобақаларда қўлга киритган натижалари бўйича биринчилардан бўлиб энг самарали клубга айланишди. Ўзининг 100-голини “Монако” 38 та ўйинда, “Барселона” эса 36 та ўйинда уришга эришди.
«Барселона» ва «Монако» клубининг рақиблари дарвозасига урган биринчи 100 та голи мусобақалар бўйича қуйидагича тақсимланади:

Барселона:
Ла Лига: 55 та гол
Чемпионлар Лигаси: 20 та гол
Испания кубоги: 20 та гол
Испания Суперкубоги: 5 та гол.

Монако:
Лига 1: 68 та гол
Чемпионлар Лигаси: 16 та гол
Франция кубоги: 7 та гол
Лига кубоги: 9 та гол.
«Монегаскликлар» учун ушбу мавсумнинг яна битта самарали рекорди мавжуд. Айнан “Монако” Европа клублари орасида ўз чемпионатида энг кўп гол урган жамоа бўлиб турибди.
Ҳа «монегаскликлар» учта ўйин кўп ўтказишган “Барселона” дан, лекин агар ўтказган ўйинларини тенглаштирсак ҳам барибир “Монако” олдинда. Лига 1 да 21 та ўйинда “Монако” 64 та гол урган бўлса, “Барселона” эса шунча ўйинда 55 та гол уришга эришган. «Монако» нинг «Барселона» дан асосий устунлиги шундаки, улар содир этилган имкониятлардан энг яхши фойдалана олишган.

Яккакурашлардаги ғолиб чиқишлар сони (бир ўйинда): 19.2.
Аниқ тўп узатишлар бўйича (ўртача бир ўйинда): 81.4 %.
Тўпни назорат қилиш (ўртача бир ўйинда): 51.4 %
Дарвозага тепилган аниқ тўплар сони (ўртача бир ўйинда): 13.9.
Ўртача самарадорлик: 2.8 та гол бир ўйинда.

Яккакурашлардаги ғолиб чиқишлар сони (бир ўйинда): 17.8.
Аниқ тўп узатишлар бўйича (ўртача бир ўйинда): 86.6 %.
Тўпни назорат қилиш (ўртача бир ўйинда): 61.5 %
Дарвозага тепилган аниқ тўплар сони (ўртача бир ўйинда): 16.5.
Ўртача самарадорлик: 2.7 та гол бир ўйинда.

Вазиятлардан фойдаланиш даражаси “Монако” да юқорироқ “Барселона” га қараганда, плюс “монегаскликлар” яккакурашларда кўпроқ ғолиб чиқишган. Жардимнинг жамоаси асосан юқори ва фаол прессинг, тўпни тезлик билан узатиш ва ён қанотлардаги ҳимоячилар ва ярим ҳимоячиларнинг фаол ҳатти-ҳаракатлари асосига қурилган. Ушбу мавсумда “Монако” бош мураббийи Жардим 4-4-2 ўйин тактикасидан фойдаланмоқда, ҳужумда асосан Жермен ва Фалькао ўйнамоқда. Улар ўтган мавсумда мос ҳолда «Ницца» ва «Челси» да ижара асосида ўйнашган эди.

“Жисмоний жиҳатдан «Монако» жуда кучли жамоа, қанот ҳимоячилари худди қанот ярим ҳимоячиларидек, қанот ярим ҳимоячилари эса ҳужумкор ярим ҳимоячилардек, ҳужумчилари эса тўпни бор кучлари билан тепишади, рақиб дарвозаси олдида “қотиллар” дек ҳаракат қилишади. «Монако» гол уриши учун вазиятлар кўп бўлиши шарт эмас. кўне нужно много моментов, чтобы забивать. Бу деярли мукаммал даражага етган, ҳозир Европада энг самарали ўйин кўрсатаётган жамоа” – деб айтган Гвардиола.

Айнан мазкур ҳужумчилар ушбу мавсумда “монегаскликлар”нинг асосий ҳужум кучини ташкил этди. Фалькао феврал ойи бошигача 25 ўйинда рақиблари дарвозасига 20 та гол урди. Унинг ҳужумдаги шериги Жермен асосан унга тўп етказиб беришга интилади ва ҳужум билан ярим ҳимояни боғловчи вазифасини ижро этади. Жардим жамоасининг асосий ўйин тактикаси қанотлардан шиддатли ҳужум уюштиришга асосланган.
Шунингдек «Монако» нинг ҳужум чизиғини кучайтиришда 18 ёшли ҳужумчи Килиан Мбаппе-Лоттен салмоқли ҳисса қўшмоқда. Ушбу мавсумдаги унинг натижалари қуйидагича: 12 та гол ва 7 та фойдали тўп узатиш.

Мбаппе “Монако” нинг ёш “юлдузча” ларидан бири бўлиб, уларнинг сони кўпчиликни ташкил қилади. Арсен Венгер “монегаскликлар”нинг ёш иқтидорлар билан жуда ҳам унумли ишлашидан ҳайратга тушмоқда. Ҳозирги кунда етишиб чиққан ёш иқтидор соҳиблари Европанинг топ клублари таркибидан жой олишни хоҳлашмоқдалар.
«Ҳа, ҳа, дарҳақиқат шундай. Мен барчасини батафсил гапиришни хоҳламайман, ҳозирги кунда Европанинг етакчи клублари бизнинг етакчи футболчиларимизга қизиқишмоқда. Ҳозир бу ҳақда гапиришга эрта. Келинг мавумни тугатиб олайлик, кўрамиз кейин қандай бўларкан” – деб айтди Вадим Васильев.

«Монако» мураббийи ёш футболчилардан иборат ҳужумда ва ҳимояда теппа-тенг ҳаракатлана оладиган ҳужумкор жамоани туза олди. Жардим ўз жамоасининг ҳужумкор ўйинидан хурсандлигини яширмайди, шунингдек Фалькаодан ҳам.
«Менга шу нарса жуда катта қониқиш берадики, биз ўз қарашларимизни ҳаётга тадбиқ қила олдик ва ҳозир қитъадаги энг ҳужумкор жамоалардан биримиз. Биринчи навбатда сифатли футболчилар йиғилганига урғу бераман. Менда ҳозир 14 нафар футболчи бор, ҳужумда самарали ўйнай оладиган. Ўйинчи танлаш имкониятининг юқорилигидан рақибларимизга қарши турли хилдаги вариантларни қўллаш орқали уларга етарлича қийинчилик туғдириш имконига эгамиз. Фалькао учун бутун жамоа кўп иш қилди, унинг ўз кучига яна ишончини қайта тиклаб олишида. Ундан талаб қилинган нарса- бу ўзига ишонч эди. Натижада биз олдинги Фалькаони кўра бошладик, бир неча йил олдин жаҳоннинг энг кучли ҳужумчиларидан бири бўлган” – дейди «Монако» бош мураббийи Леонард Жардим.
Албатта жамоанинг самарали ўйин кўрсатиши яхши, лекин ютуқларга эришишнинг салмоғи футболда муҳимроқ ҳисобланади. “Монако” ушбу мавсумда Лига 1 чемпионлигини қўлга киритиши учун етарлича кучга эга. Ҳужумкор ва мукаммал жамоа ҳисобланган “Монако” бу йил ўз коллекциялари ҳисобини бойитишига ишонамиз.