УЕФА президенти Александр Чеферин Европа Суперлигаси лойиҳаси амалда барбод бўлганини изоҳлади. Сўнгги кунларда бу ташаббусдан воз кечган энг охирги клублар ҳам — «Барселона» ва «Реал» бўлди. Бу ҳақда euro-football.ru хабар беради.
Чеферин «Реал» ва «Барселона»нинг яна умумий футбол оиласига қайтганидан мамнунлигини айтди. Унинг таъкидлашича, тортишувлар ҳаммани чарчатган, «Реал» президенти билан фикрлар тўқнаш келган бўлса-да, томонлар ўзаро ҳурматни йўқотмаган ва ўйин муҳаббати доим сақланиб қолган. Чеферин фикрича, бу вазиятдаги ягона ғолиб — футболнинг ўзи.
Маълумки, Суперлига ғоясини энг фаол тарғиб қилганлардан бири Флорентино Перес эди. Дастлаб 12 та Европа гранди лойиҳа стартни эълон қилган, бироқ мухлислар норозилиги кучайгач, 9 клуб тез орада чекиниб кетди. Кейинроқ «Ювентус» ҳам лойиҳани тарк этди, яқинда эса испан гигантлари ҳам ушбу ташаббусдан воз кечди.
Шу тариқа Суперлига саҳифаси ёпилди — «Реал» ҳам бу борада расмий баёнот билан чиқди.
“Zamin”ни Telegram'да ўқинг!
