«Реал» Кесс Смит учун Европа гигантлари билан курашади

Нидерландиянинг AZ «Алкмаар» клубида тўп сураётган ярим ҳимоячи Кесс Смит йирик Европа жамоалари эътиборини тортишда давом этмоқда. Бу ҳақда euro-football.ru хабар беради.

20 ёшли футболчи бир неча ойдан бери Мадриднинг «Реал» клуби трансфер рўйхатида юрибди, бироқ “қироллик” жамоасини жиддий рақобат кутмоқда. Журналист Экрем Конур маълумотига кўра, Смитни «Барселона», «Бавария», шунингдек Англия Премьер-лигасининг «Челси», «Ньюкасл» ва «Ливерпуль» клублари ҳам синчиклаб кузатмоқда. AZ «Алкмаар» ярим ҳимоячи учун 60 миллион евро талаб қилмоқда.

Жорий мавсумда Кесс Смит 31 учрашувда 3 та гол уриб, 5 та голли узатмани ўз ҳисобига ёздирган. Transfermarkt портали футболчининг бозор қийматини 22 миллион еврога баҳоламоқда.

Sardor Ergashev

«ZAMIN.UZ» муҳаррири