“Бавария” марказий ҳимоячиси Жонатан Та фаолиятини “Барселона”да давом эттириши ҳам мумкин эди. Ўтган ёзда немис футболчиси “Байер”дан Мюнхен клубига ўтиб, гранд сафини тўлдирганди. Бу ҳақда euro-football.ru хабар беради.
Та учун Европанинг бир қатор топ жамоалари қизиқиш билдирган, улар орасида “Барселона” ҳам бор эди. Каталонияликлар футболчи бўйича музокараларни анча олдинга олиб чиққан.
“Бизга яқин бўлиб, охир-оқибат келмаган футболчи ким? Жонатан Та билан жуда жиддий музокаралар олиб бордик, аммо келишув якунига етмади”, — дея “кўк-анорранглилар” спорт директори Деку сўзларини Sport нашри келтирди.
Қайд этилишича, Та “Бавария”га атиги 2 млн евро га тушган. Бунга сабаб — унинг “Байер” билан шартномаси 2025 йил июн ойи охирида якунланиши арафасида бўлгани.
“Zamin”ни Telegram'да ўқинг!
