Лондоннинг «Тоттенҳэм» клуби жамоани келаси мавсумдан бошқариши мумкин бўлган бош мураббий сифатида икки нафар немис мутахассисини кўздан кечирмоқда. The Telegraph хабарига кўра, «шпорлар»нинг қисқа рўйхатига Эдин Терзич ва Марко Розе киритилган. Бу ҳақда euro-football.ru хабар беради.
Манбада айтилишича, бош мураббийлик учун курашаётган номзодлар орасида Роберто де Дзерби, Маурисио Почеттино ҳамда Робби Кин ҳамон қолмоқда.
Терзич аввал Дортмунднинг «Боруссия»сида ишлаган ва жамоа билан Чемпионлар лигаси финалигача етиб борган. Розе эса фаолияти давомида Дортмунд ва Мёнхенгладбах «Боруссия»лари, шунингдек, «РБ Лейпсиг»ни ҳам бошқарган.
Эслатиб ўтамиз, ҳафта давомида «Тоттенҳэм» Томас Франк билан хайрлашди. У клубни сал кўпроқ ярим йил бошқарган эди.
“Zamin”ни Telegram'да ўқинг!
