Мадриднинг «Реал» клуби бош мураббийи Альваро Арбелоа жамоа билан ўтган илк ойи якунлари ҳақида фикр билдирди. Испаниялик мутахассис «қироллик клуб»и бошқарувида аниқ бир ой ишлади. Бу ҳақда euro-football.ru хабар беради.
Арбелоанинг айтишича, у ҳозирча узоқни кўзлаб баҳо беришдан кўра, навбатдаги ўйин ҳақида ўйлашни афзал кўради. Мураббий жамоада доимо ўсиш ва ривожланиш учун имконият борлигини таъкидлади ҳамда бу ҳафта машғулотлар жараёнидан мамнун қолганини қўшимча қилди.
Шунингдек, у «Реал» каби жамоани бошқариш қандай масъулият эканига тўхталар экан, дунёнинг энг кучли клубига мураббий бўлиш — катта имтиёз ва омад эканини айтди. Арбелоа бу имкониятдан сўнгги кунгача завқ олиб ишлашини маълум қилди.
«Реал» 14-феврал, шанба куни «Реал Сосйедад»ни қабул қилади. Учрашув «Сантяго Бернабеу»да 01:00 да (Тошкент вақти билан) бошланади.
“Zamin”ни Telegram'да ўқинг!
