Франциянинг «Лион» клуби бош мураббийи Паулу Фонсека «Нант»га қарши ўйинда бразилиялик ҳужумчи Эндрик қизил карточка олган эпизод юзасидан фикр билдирди. 19 ёшли футболчи «Реал»дан ижара асосида «Лион» сафида тўп сурмоқда. Бу ҳақда euro-football.ru хабар беради.
Фонсека жазони ҳаддан ташқари оғир деб ҳисоблайди. Унинг айтишича, қизил карточкадан аввал Эндрикка нисбатан яққол қоида бузилиши бўлган: «Нант» футболчиси тўпга ўйнашга уринмай, фақат Эндрикни тўхтатишга ҳаракат қилган. Мураббий, шунингдек, кетма-кет учинчи ўйиндирки, рақиблар Эндрикни асабийлаштириш учун бошидан босим ва кескинликни кучайтираётганини таъкидлади ҳамда ҳакамлар бундай даражада иқтидорли футболчини ҳимоя қилиши кераклигини айтди.
Шу билан бирга, Фонсека Эндрикнинг ўзи ҳам хулоса чиқариши лозимлигини қайд этди. Мураббий ёш ҳужумчига ҳозир барча эътибор унга қаратилганини эслатган, 19 ёшида катта салоҳиятга эга футболчи бундай вазиятларда эҳтиёткорроқ бўлиши зарурлигини айтган. Унинг фикрича, айнан шундай мураккаб паллалар ва синовлар Эндрикнинг янада улғайишига ёрдам беради.
Фонсека ҳакамлар қарорлари бир ҳафтадан бошқасига кескин фарқ қилаётгани ҳам уни ҳайратга солаётганини қўшимча қилди. У қайси ҳолат қизил карточкага, қайси эпизод сариқ карточкага тортилиши аниқроқ белгилаш кераклигини, ҳозирги талқинлар жуда турлича эканини урғулади.
Эндрик «Лион» сафида ўтказган 5 учрашувда 5 та гол урди ва 1 та голли узатма берди.
“Zamin”ни Telegram'да ўқинг!
