Германия чемпионатининг 22-турида «Гамбург» ўз майдонида «Унион Берлин»ни қабул қилди ва қийин кечган баҳсда иродали ғалабага эришди. Бу ҳақда euro-football.ru хабар беради.
Учрашувдаги ҳисоб 28-дақиқада очилди: меҳмонлар пеналти орқали олдинга чиқиб олди — Леопольд Кверфельд аниқ зарба билан дарвозабонни имкониятсиз қолдирди. Бироқ «Гамбург» тезда жавоб қайтарди: 35-дақиқада Рансфорд Кенигсдоорффер Роберт Глатсел узатмасидан фойдаланди ва мувозанатни тиклади. Танаффус арафасида эса Николас Капалдо мезбонларни олдинга олиб чиқди.
Иккинчи бўлимда «Унион» стандарт вазиятлардан фаол фойдаланди: Деррик Кён жарима зарбасида тўсинни ларзага келтирди. Шунга қарамай, 82-дақиқада Кенигсдоорффер яна бир бор рақиб дарвозасини ишғол қилди — бу сафар унга Георги Гочолешвили пас берди ва ҳисоб 3:1 бўлди.
Якунда интрига қайтди: 89-дақиқада Оливер Берк Андрей Илич узатган тўпни бош билан дарвозага йўллаб, фарқни қисқартирди. Аммо «Гамбург» ғалабани қўлдан чиқармади — 3:2.
Ушбу натижадан сўнг жамоалар турнир жадвалида 9-ўринни бўлиб турибди.
“Zamin”ни Telegram'да ўқинг!
