"Комо" бош мураббийи Сеск Фабрегас "Фиорентина"га қарши ўйинда ҳужумчи Альваро Моратанинг майдондaн четлатилиши юзасидан фикр билдирди. Бу ҳақда euro-football.ru хабар беради.
Испаниялик футболчи иккинчи бўлимда захирадан майдонга тушди, бироқ учрашувни охиригача давом эттира олмади. Якуний дақиқаларда у атиги икки дақиқа ичида кетма-кет икки сариқ карточка олди ва қизил билан жазоланди. Иккинчи огоҳлантириш рақиб билан тортишув пайтидаги спортчига хос бўлмаган хатти-ҳаракат учун кўрсатилди.
Фабрегас ўйиндан кейинги интервьюсида жамоасининг четлатилиши билан боғлиқ вазиятдан норози эканини яширмади: "Провокацияни кўтара олмайдиганлар бошқа спорт тури билан шуғуллансин. Мората каби тажрибали футболчидан кўпроқ нарсани кутаман", деди мураббий.
Учрашув "Комо" учун омадсиз якунланди — 1:2.
“Zamin”ни Telegram'да ўқинг!
