Франческо Тотти «Рома»га қайтиши мумкинлиги ҳақидаги хабарларга муносабат билдирди. Аввалроқ афсонавий футболчи клубда техник директор лавозимини эгаллаши эҳтимоли ҳақида гап-сўзлар тарқалганди. Бу ҳақда euro-football.ru хабар беради.
«Рома» — менинг уйим, ҳозир у ерда бўлмасам ҳам. Клубнинг қандай йўлдан кетаётганидан мамнунман. Сўнгги пайтлар кўп миш-мишлар юрди. Бу рост: биз алоқадамиз, тафсилотларни муҳокама қиляпмиз ва ҳамма учун энг яхши ечимни топишга уринмоқдамиз. Умид қиламанки, бу масалани тез орада ҳал қиламиз», — деди Тотти Sky Sport Italia’га.
Тотти футболчилик фаолиятини 2017 йилда якунлаган. Шундан сўнг у бир неча йил давомида «Рома»да менежер сифатида ишлаган.
Қайд этиш жоиз, «Рома» бош мураббийи Жан Пйеро Гасперини аввалроқ ҳазиллашиб, керак бўлса Тоттини майдонга ҳам туширишга тайёрлигини айтганди.
“Zamin”ни Telegram'да ўқинг!
