Мюнхеннинг «Бавария» клуби вингери Луис Диас жамоага ўтиш қарорини қандай қабул қилгани ҳақида гапирди. Бу ҳақда euro-football.ru хабар беради.
Футболчининг айтишича, «Бавария» илк бор мурожаат қилган заҳоти у айнан шу клубга ўтишни хоҳлаган. Диас бу таклифни фахр билан қабул қилганини, жамоа тарихини яхши билиши ва ундан нималарни кутиш мумкинлигини олдиндан тасаввур қилгани боис қарорини тўғри деб ҳисоблашини таъкидлади. У янги муҳитда бор кучини бериш, ўзини қулай ҳис қилиш ва энг муҳими, футболчи ҳамда унинг оиласи учун бахт муҳим эканини қайд этди.
Диас Мюнхенда кучли футболчилар жам бўлган таркиб, замонавий инфратузилма ва юқори савиядаги мураббийлар штаби борлигини билганини, шу сабабли ўзига ишончи баланд бўлганини айтди. Унинг сўзларига кўра, энг катта синов оила билан тил тўсиғи бўлиб қолмоқда, бироқ у жамоага тез мослашиб, «Ливерпул»даги каби натижага ҳисса қўшишига ишонади. «Бавария» билдирган ишончни у майдонда оқлашга ҳаракат қилаётганини ҳам қўшимча қилди. Sky Sports Диаснинг фикрларини келтирди.
Эслатиб ўтамиз, Луис Диас 2025 йилда «Ливерпул»дан «Бавария»га 70 миллион евро эвазига кўчиб ўтган. Жорий мавсумда у Мюнхен клуби сафида 32 ўйинда майдонга тушиб, 19 гол урди ва 15 та голли узатма берди.
“Zamin”ни Telegram'да ўқинг!
