“Локомотив”нинг собиқ президенти Ольга Смородская Россия терма жамоасининг март ойидаги эҳтимолий ўйинлари ҳақида фикр билдирди. Аввалроқ ОАВда Валерий Карпин жамоаси ўз стадионларида Мали ва Гватемалага қарши баҳс ўтказиши мумкинлиги ҳақида хабарлар тарқалган эди. Бу ҳақда euro-football.ru хабар беради.
Смородскаянинг айтишича, Гватемала учрашувдан бош тортган, шунинг учун Россия футбол иттифоқи рақиб излашни давом эттиради. “Мали эса жиддий рақиб эмас, жуда суст терма. Бундай ўйин ўрнига ўз клублари билан ўйнаган маъқул”, — дея унинг сўзларини Metaratings келтиради.
Россия футбол иттифоқи ҳозирча март ойига мўлжалланган терма жамоа ўйинларини расман тасдиқламади. Шу билан бирга, миллий жамоа йиғиннига ҳам кўп вақт қолмади — беш ҳафтадан ҳам кам.
“Zamin”ни Telegram'да ўқинг!
