«Ливерпул» ҳимоячи Ибраима Конатени жамоада олиб қолиш ниятида ва футболчи билан янги шартнома бўйича музокараларни давом эттирмоқда. Бу ҳақда euro-football.ru хабар беради.
Журналист Уилсон Кокс хабарига кўра, «қизиллар» франсуз футболчиси билан келишув устида ишлаяпти. Бироқ Конате шошилмаяпти: у янги битимга қўл қўйишдан аввал «ПСЖ»нинг якуний қарорини кутиб туришни истамоқда. Париж клуби футболчини трансфер қилиш бўйича курашга киришгани айтилмоқда.
Ҳозирча Конате «Ливерпул»да қолиш ёки «ПСЖ»га ўтиш борасида бир қарорга келмаган.
Эслатиб ўтамиз, аввалроқ ОАВ ҳимоячини Мадриднинг «Реал» клуби билан ҳам боғлаган эди.
Ибраима Конате 2021 йилда «РБ Лейпциг»дан «Ливерпул»га 40 миллион евро эвазига ўтган. Унинг амалдаги шартномаси 2026 йил 30 июнгача мўлжалланган. Жорий мавсумда франсуз «қизиллар» сафида 34 ўйинда майдонга тушиб, 2 та гол урди.
“Zamin”ни Telegram'да ўқинг!
