Осиё Чемпионлар Лигаси–2017 турнири “С” гуруҳи 3-туридан ўрин олган “Бунёдкор” – “Зоб Аҳан” учрашуви олдидан ташкил этилган матбуот анжуманининг иккинчи қисмида “қалдирғочлар” устози Сергей Лушчан ва клуб аъзоси Нурулло Тўхтасинов ўз фикрларини билдириб ўтди.
“Эртанги ўйинда ғалаба қозонишимиз зарур. Бизга осон бўлмайди, аммо бунинг учун ҳаракат қиламиз. “Бунёдкор” ёшларга ишонишда давом этади, улар ўзбек футболининг келажаги. Акрам Комилов сариқ карточкаси туфайли бўлажак ўйинни ўтказиб юборади. Элдор Шомуродовда бироз чарчоқ аломатлари бор. Бундан ташқари, у терма жамоа олдида турган муҳим ўйин учун жалб қилинган. Эртага нима бўлишини фақат вақт кўрсатади.
Бўлажак ўйин учун тайёрлаган режамиз бор. Бундан ташқари бошқа режалар ҳам тузиб қўйганмиз. Аммо улар ҳақида ҳозир айта олмайман. Барчаси эртага майдонда намоён бўлади”, – деди Сергей Лушчан.
“Бунёдкор” эртага фақат ғалаба учун майдонга тушади. Жамоа бунга тайёр, ички муҳит ҳам яхши. Шунинг учун эртанги баҳсда муваффақиятга эришмоқчимиз. “Зоб Аҳан”дан қўрқмасдан ҳаракат қиламиз”, – дея ўз фикрини билдирди Нурулло Тўхтасинов.
Эслатиб ўтамиз, “Бунёдкор” – “Зоб Аҳан” беллашуви эртага, 13 март куни бўлиб ўтади. Учрашув Тошкентдаги “Бунёдкор” стадионида соат 18:00 да бошланади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев: Махсус ҳарбий операция учун қуролларнинг аксарияти Россияда ишлаб чиқарилади
Кипр ҳукумати россиялик ва украиналик миллиардерларнинг «олтин» паспортларини олиб қўйди
Ўзбекистонда онкологик касалликка чалинган аёллар бепул даволанади
Вирус UFC ни дунёга танитди
Британияда 3 та ҳарбий база узра УУА парвози қайд этилди
"Пахтакор"нинг ўйини мутахассис нигоҳида: "Менимча, ғалаба учун эмас, бир очкони сақлаб қолиш учун ўйнади"
Асир: Украина аскарлари отишни интернетдаги видеолар ёрдамида ўрганишади
БААда исроиллик раввин ўлдирилиши юзасидан Ўзбекистон томони баёнот берди
