Машҳур инсайдер Фабритсио Романо «Реал»нинг Юрген Клоппни бош мураббийликка олиб келиши эҳтимоли бўйича клуб ичидаги қарашлар ҳақида маълумот берди. Бу ҳақда euro-football.ru хабар беради.
Романо YouTube каналида таъкидлашича, германиялик мутахассис ҳозирча «Red Bull» лойиҳасидаги ишларига тўлиқ шўнғиган ва диққатини айнан шу томонга қаратган. «Реал» масаласига келсак, аввал Альваро Арбелоанинг ишлари баҳоланади: Романо фикрича, у Испания чемпионатида яхши натижалар кўрсатиб, Чемпионлар Лигаси плей-оффининг «Бенфика»га қарши илк ўйинида ҳам жамоани муносиб бошқарган.
Шунингдек, «Реал» раҳбариятида Клоппни жуда юқори қадрлайдиганлар бор, бироқ Романо ҳозирча у билан музокаралар ёки расмий таклиф бўйича аниқ тафсилотлардан хабардор эмаслигини қўшимча қилди.
“Zamin”ни Telegram'да ўқинг!
