Италиянинг «Комо» клубини бошқараётган испаниялик мураббий Сеск Фабрегас «Милан»га қарши баҳсдан кейин ўйин ҳақида фикр билдирди. Учрашув 1:1 ҳисобида якунланди, «Милан» эса ўйин давомида ҳисобни тенглаштиришга мажбур бўлди. Бу ҳақда euro-football.ru хабар беради.
Фабрегаснинг таъкидлашича, бугун унинг жамоаси рақибдан кўра яхшироқ ҳаракат қилган: «Милан» иккинчи бўлим ўрталаригача дарвозамизга илк бор жиддий зарба йўллади. Мураббий ўйин ёққанини айтар экан, Салемакерс эпизодида рақиб футболчиси майдондан четлатилиши керак бўлганини ҳам қўшди — унинг фикрича, бу «Комо»га ғалаба олиб келиши мумкин эди.
«Энди кейинги ўйинга тайёргарлик кўрамиз. Умид қиламанки, навбатдаги учрашувни ҳам шундай ишонч билан ўтказамиз», — дея Фабрегаснинг сўзларини pianetamilan.it келтирди.
Ҳозирда «Комо» Италия чемпионати турнир жадвалида 6-ўринни эгаллаб турибди.
“Zamin”ни Telegram'да ўқинг!
