Лондоннинг «Челси» клуби ҳимоячиси Мамаду Сарр жамоага қайтгани борасида фикр билдирди. 20 ёшли сенегаллик футболчи мавсумнинг биринчи қисмини франсузнинг «Страсбург» клубида ижара асосида ўтказганди. Бу ҳақда euro-football.ru хабар беради.
«Бу ерда бўлишдан жуда хурсандман. Қайтишим осон кечди, чунки йигитларни ҳам, бу ердаги ҳаммани ҳам биламан — ҳеч қандай муаммо бўлмади. Бу ерда аъло даражадаги футболчилар бор. Жамоада бўлиш мен учун ёқимли ва ҳаяжонли», — дея Саррнинг сўзларини «Челси» матбуот хизмати келтирди.
Қайтганидан сўнг Сарр Англия кубогида битта учрашувда майдонга тушди, бироқ гол ёки ассист билан ажралиб чиқмади.
Шанба, 21-февраль куни «Челси» АПЛнинг 27-тури доирасида ўз майдонида «Бёрнли»ни қабул қилади. Учрашув 20:00 да (Тошкент вақти билан) старт олади.
“Zamin”ни Telegram'да ўқинг!
