Дро Фернандес ПСЖ сафидаги илк асосий ўйинидан сўнг гапирди

ПСЖ ярим ҳимоячиси Дро Фернандес Париж клубида илк бор асосий таркибда майдонга тушди. 18 ёшли испаниялик футболчи Лига 1 доирасида «Мец»га қарши шанба кунги баҳсни стартдан бошлади. Бу ҳақда euro-football.ru хабар беради.
Учрашув парижликларнинг 3:0 ҳисобидаги ғалабаси билан якунланди. Фернандес 63-дақиқада заҳирага олинди.
Ўйиндан кейин футболчи L1+ каналига интервью бериб, ўзини яхши ҳис қилаётганини ва аста-секин ўйинини кучайтириб бораётганини таъкидлади. «Бу ерга ўйин амалиёти учун келдим, ритмни ушлашни хоҳлайман. Ғалаба қозонганимиздан хурсандман, ишлашда давом этиш керак», — деди ПСЖнинг янги аъзоси.
Эслатиб ўтамиз, француз гранди Дро Фернандесни қишки трансферлар вақтида «Барселона»дан 8,2 млн евро эвазига сотиб олганди.
“Zamin”ни Telegram'да ўқинг!Ctrl
Enter
Хато топдингизми?
Иборани ажратиб Ctrl+Enter тугмасини босинг