“Интер”нинг чап қанот ҳимоячиси Федерико Димарко “Лечче” устидан А Серияда 2:0 ҳисобидаги ғалабадан сўнг фикр билдирди. Бу ҳақда euro-football.ru хабар беради.
“Нерадзуррилар” ҳисобни фақат 75-дақиқада Генрих Мхитарян урган гол эвазига очди. 82-дақиқада эса Димарко узатмасидан кейин Мануэл Аканджи дарвозани ишғол қилиб, якуний натижани белгилади. Шунга қарамай, ўйин якунида энг яхши футболчи соврини айнан Димаркога берилди.
“Менимча, мукофот Мхитарянга берилиши керак эди — у жуда яхши ўйнади. Совринни фарзандларимга бераман: улар бундай совринлар билан ўйнашни яхши кўришади ва мен учун асраб қўйишади. Жамоавий ғалаба ҳар доим индивидуал мукофотдан устун”, — деди Димарко DAZN’га.
“Мхитаряннинг голи биз учун катта енгиллик бўлди. Осон бўлмаслигини билардик, чунки “Лечче” жуда яхши ташкил этилган жамоа”, — дея қўшимча қилди у.
Бу ғалабадан сўнг “Интер” иккинчи ўриндаги “Милан”дан 10 очкога узоқлашди.
“Zamin”ни Telegram'да ўқинг!
