Мадриднинг «Реал» жамоаси таркибида навбатдаги йўқотиш қайд этилди. Ярим ҳимоячи Дани Себальос камаласимон мушагидан жароҳат олиб, клуб лазаретига жойлаштирилди. «Қаймоқранглилар» 29 ёшли футболчининг ташхисини маълум қилди, бироқ одатдагидек тикланиш муддати бўйича аниқ сана келтирмади. Бу ҳақда euro-football.ru хабар беради.
COPE нашри хабарига кўра, Себальоснинг майдонга қайтиши учун тахминан етти ҳафта керак бўлади. Прогнозлар тасдиқланса, у фақат апрел ўрталарида сафга қайтади.
«Реал» навбатдаги учрашувини чоршанба, 25 февраль куни Чемпионлар лигасида ўз майдонида «Бенфика»га қарши ўтказади. Ўйин 01:00 да (Тошкент вақти билан) бошланади.
Ҳозирда «Реал» Ла Лигада пешқадам, аммо «Барселона» «Леванте»ни мағлуб этса, бир неча соат ичида турнир жадвалида юқорига кўтарилиб кетиши мумкин.
“Zamin”ни Telegram'да ўқинг!
