Англия чемпионатининг навбатдаги турида «Сандерленд» ўз майдонида кутилмаганда мағлуб бўлди. Бунгача АПЛга янги чиққан жамоа сифатида уй учрашувларида узоқ вақт ютқазмай келаётган «қора мушуклар» бу сафар «дачниклар» босимига бардош бера олмади. Бу ҳақда euro-football.ru хабар беради.
Учрашувдан кейин «Сандерленд» бош мураббийи Режис Ле Брис ўйин тафсилотларига тўхталди. Мутахассиснинг айтишича, баҳс умумий ҳисобда тенг ва мувозанатли ўтган, натижани эса алоҳида эпизодлар ҳал қилган.
«Ўйин аслида тенг ўтди, ҳамма нарсани айрим вазиятлар белгилади. Стандарт ҳолатлар замонавий футболда нақадар муҳим эканини яна бир бор кўрсатди. Биз эса уларни яхши ҳимоя қила олмадик», — дея Ле Бриснинг сўзларини BBC Sport келтирди.
Ҳозир «Сандерленд» АПЛ турнир жадвалида 12-ўринда бормоқда.
“Zamin”ни Telegram'да ўқинг!
