УЕФА «Бенфика» футболчиси Джанлука Престианни ва «Реал» вингери Винисиус Жуниор ўртасидаги можаро юзасидан текширувни давом эттирмоқда. Мадрид клуби футболчиси рақибини ирқчиликда айблаган, дастлабки хулосаларга кўра эса Престианни томонидан камситиш ҳолати қайд этилгани айтилаётган. Бу ҳақда euro-football.ru хабар беради.
Шу сабаб аргентиналик футболчи вақтинча бир ўйинга дисквалификация қилинди. Ушбу қарордан сўнг «Бенфика» расмий баёнот билан чиқди.
Клуб УЕФАдан Престианни четлатилгани ҳақида хабарнома олганини ва қарорни апелляция қилиш ниятида эканини билдирди. «Бенфика» муддатлар қисқалиги сабаб бу шикоят жавоб учрашувига таъсир кўрсатмаслиги мумкинлигини ҳам тан олди, шунингдек клуб ирқчилик ва камситишнинг барча кўринишларига қарши қатъий курашишини яна бир бор таъкидлади.
«Реал» ва «Бенфика» ўртасидаги жавоб баҳси 25 февраль куни Мадриддаги майдонда ўтказилади. Лиссабондаги илк ўйинда «Реал» 1:0 ҳисобида ғалаба қозонган.
“Zamin”ни Telegram'да ўқинг!
