«Галатасарой» ҳужумчиси Виктор Осимҳен «Ювентус» ҳақидаги саволга муносабат билдирди. Сўнгги йилларда нигериялик форвардни бир неча бор «қари синьора»га кўчиб ўтиши мумкинлиги ҳақида гапиришган, бироқ трансфер амалга ошмаган. Ўтган ёзда «Галатасарой» Осимҳенни «Наполи» клубидан 75 млн евроға сотиб олганди. Бу ҳақда euro-football.ru хабар беради.
«Ювентус» — бой тарихга эга, дунёнинг энг буюк клубларидан бири. У ерда кўплаб афсоналар ўйнаган, бундай жамоада тўп суриш — шараф. Мен «Галатасарой»да ўзимни бахтли ҳис қиляпман, лекин келажакда нима бўлишини ҳеч ким олдиндан билмайди. Ўйлайманки, дунё футболчиларининг 90 фоизи «Ювентус»да ўйнашни истайди», — дея Осимҳеннинг сўзларини журналист Фабритсио Романо келтирди.
Чоршанба куни жамоалар Европа Чемпионлар лигасида жавоб учрашувини ўтказади. Илк ўйинда Истанбул клуби ўз майдонида туринликларни 5:2 ҳисобида йирик мағлубиятга учратганди.
“Zamin”ни Telegram'да ўқинг!
