«Бенфика» ярим ҳимоячиси Жанлука Престианни чоршанба куни кечқурун «Реал»га қарши учрашувда майдонга туша олмайди. Португалия клуби футболчига қўлланилган вақтinchalik дисквалификация бўйича берган апелляция шикоятини Европа футбол ассоциациялари иттифоқи рад этди. Бу ҳақда euro-football.ru хабар беради.
Шундан сўнг Престианни ижтимоий тармоқларда муносабат билдириб, кейинроқ постини ўчириб ташлади. Аргентиналик футболчи «Реал» ярим ҳимоячиси Федерико Вальверде билан боғлиқ эпизодда санкция қўлланмагани, ўзига нисбатан эса далилсиз четлатиш бўлаётганини таъкидлади.
«Кимнидир юзига очиқ уриш — жазоси йўқ. Бировни эса исботсиз четлатиш мумкин. «Реал» билан бўлганида буни ҳатто яширишга ҳам уринмаяпти. Қандай уят», — деган эди Престианни.
Эслатиб ўтамиз, УЕФА Престианни ва Винисиус билан боғлиқ ҳолат бўйича текширувни давом эттирмоқда. Бир ўйинлик вақтinchalik дисквалификация дастлабки хулосаларда дискриминация аломатлари борлиги қайд этилгани билан изоҳланади.
“Zamin”ни Telegram'да ўқинг!
