«Барселона» ҳимоячиси Эрик Гарсия жамоанинг сўнгги ўйинлари ва натижалари ҳақида фикр билдирди. Бу ҳақда euro-football.ru хабар беради.
Гарсия таъкидлашича, каталонияликлар одатда тез-тез ғалаба қозонишга ўрганиб қолган. Шу боис кетма-кет икки марта омадсиз ўйин бўлса, вазиятни чуқур таҳлил қилиш ва хатолардан сабоқ чиқариш муҳим. Унингча, бу жараён мавсумнинг ҳал қилувчи қисмида жамоани янада кучлироқ қилади.
«Биз лигада яна етакчиликни қайтардик. Кубокда ҳам вазиятни ўнглашимизга ишончим комил. Олдинда Европа Чемпионлар лигаси бор — у ерда энг қизиқарли босқичлар бошланади», — дея Гарсиянинг сўзларини келтиради Barca Universal.
Эслатиб ўтамиз, аввалроқ «Барселона» Испания Кубоги ярим финалининг илк учрашувида «Атлетико»дан 0:4 ҳисобида йирик мағлубият қабул қилган, ундан кейин Ла Лигада «Жирона»га 1:2 ҳисобида имкониятни бой берганди. Бироқ сўнгги турда «кўк-анорранглилар» «Леванте»ни 3:0 ҳисобида ишончли тарзда енгиб, чемпионатда яна биринчи ўринга кўтарилди.
“Zamin”ни Telegram'да ўқинг!
