«Динамо»нинг собиқ футболчиси Артур Юсупов французнинг «ПСЖ» клуби дарвозабони Матвей Сафонов ҳақида фикр билдирди. Унинг айтишича, 2026 йилда парижликлар сафида асосий дарвозабон мақомини олган Сафонов бунга тўлиқ муносиб. Бу ҳақда euro-football.ru хабар беради.
Юсупов Сафоновнинг ҳозирги ўйинлари эътибордан четда қолмаётганини таъкидлади. У Матвейнинг ишончли ҳаракати ва барқарор формаси сабаб «ПСЖ»нинг биринчи рақамига айлангани табиий эканини қайд этди.
Жорий мавсумда 27 ёшли дарвозабон барча мусобақаларни ҳисобга олганда 11 учрашувда майдонга тушди. Сафонов 12 та гол ўтказиб юборган бўлса-да, тўртта ўйинда дарвозасини дахлсиз сақлаб қолди.
Сафоновнинг «ПСЖ» билан амалдаги меҳнат шартномаси 2029 йилнинг ўрталаригача мўлжалланган. Transfermarkt экспертлари унинг бозор қийматини 15 миллион еврога баҳоламоқда.
“Zamin”ни Telegram'да ўқинг!
