Тажрибали мураббий Юрий Сёмин ПСЖнинг жорий мавсумдаги имкониятларини юқори баҳолади. Унинг фикрича, Луис Энрике бошқарувидаги парижликлар Чемпионлар лигасини кетма-кет иккинчи йил ҳам қўлга киритишга қодир. Бу ҳақда euro-football.ru хабар беради.
Эслатиб ўтамиз, ПСЖ ўтган мавсумда Чемпионлар лигаси тарихида илк бор ғолиб чиққан эди. Финалда парижликлар «Интер»ни 5:0 ҳисобида йирик мағлубиятга учратиб, совринни қўлга киритган.
Сёмин бу сафар ҳам клубда объектив имкониятлар етарли эканини таъкидлади. У француз чемпионатида кўплаб футболчилар ротация орқали майдонга туширилганини эслатиб, жамоа асосий кучини Чемпионлар лигасига асраётгандек таассурот уйғотганини айтди.
ПСЖ плей-офф саралаш босқичида «Монако»дан осонликча ўта олмади: сафарда 3:2 ҳисобида ютди, уйда эса 2:2 дуранг қайд этди. Энди 1/8 финалда парижликларни жиддий рақиб кутмоқда — уларга «Барселона» ёки «Челси»дан бири тўқнаш келади.
“Zamin”ни Telegram'да ўқинг!
