Уругвайлик ҳужумчи Эдинсон Кавани Аргентинада қийин даврни бошдан кечирмоқда. «Бока Хуниорс» мухлислари уни тез-тез ҳуштакбозлик билан кутиб олмоқда, футболчининг майдондаги вақти эса камайиб боряпти — у баъзан умуман ўйнамайапти ёки учрашув якунига етмасдан алмаштирилмоқда. Бу ҳақда euro-football.ru хабар беради.
Аргентиналик собиқ футбол юлдузи Оскар Руджерри Каванига бўлган бундай муносабатни ҳақоратли деб баҳолади. Унинг фикрича, шундай тажриба ва обрўга эга футболчи учун бу ҳолат қабул қилиб бўлмайди ва энг тўғри йўл — фаолиятини якунлаш.
«Бундай таржимаи ҳолга эга ўйинчи учун бу ҳақорат. Шунақа бўлиши мумкин эмас, яхшиси футболни якунлаган маъқул», — дея Руджерри сўзларини келтиради derbyderbyderby.it.
Маълумот учун, Кавани аввалроқ «Наполи», «ПСЖ» ҳамда «Манчестер Юнайтед» каби клубларда тўп сурган.
“Zamin”ни Telegram'да ўқинг!
