Спорт шарҳловчиси Дмитрий Губерниев Россия терма жамоасининг март ойидаги йиғини учун эълон қилинган рақибларга муносабат билдирди. Валерий Карпин бошчилигидаги жамоа келаси ой иккита ўртоқлик учрашуви ўтказади: 27 март куни Никарагуа, 31 март куни эса Мали билан. Бу ҳақда euro-football.ru хабар беради.
Губерниевнинг таъкидлашича, яқин келажакда Россия Англия ёки Аргентина каби грандлар билан майдонга тушиши қийин. Унинг сўзларига кўра, терма жамоа ҳозир ўйнашга рози бўлаётган рақиблар билан учрашишга мажбур ва Мали ҳамда Никарагуага шу учун миннатдорлик билдириш керак.
Шарҳловчи бу жуфтликка қарши баҳслар ҳам мухлислар учун қизиқ бўлишини алоҳида қайд этди.
Эслатиб ўтамиз, Никарагуага қарши ўйин Краснодарда, Мали билан учрашув эса Санкт-Петербургда бўлиб ўтади.
“Zamin”ни Telegram'да ўқинг!
