«Челси» бош мураббийи Лиам Розенйор Opta суперкомпютери жамоани мавсумнинг энг оғир бўлаги кутаётгани ҳақидаги тахминларга муносабат билдирди. Бу ҳақда euro-football.ru хабар беради.
Мутахассис ҳар бир ўйинни алоҳида кўриб чиқишини таъкидлади: унинг фикрича, АПЛда ҳар ҳафта синов, шу боис бир учрашувни бошқасидан оғирроқ деб баҳоламайди. Розенйор таркибдан ва жамоанинг ҳозирги ўйинидан қониқаётганини айтди.
Мураббий натижалар бўйича ҳам фикр билдирди: «12 та ўйиннинг 8 тасида ғалаба қозондик, аммо идеал ҳолатда 10 та учрашувда ютишимиз керак эди. Бу ёмон эмас». Шунингдек, у футболчилар жисмонан ҳам, руҳан ҳам имкони борича тетик бўлиши муҳимлигини қўшиб, машғулотларда жамоа яхши кўринганини қайд этди.
«Челси» 1 март, якшанба куни «Арсенал»га қарши майдонга тушади.
“Zamin”ни Telegram'да ўқинг!
