«Арсенал» 50 млн евроға баҳоланган италиялик ҳимоячини кузатмоқда

Лондоннинг «Арсенал» клуби ўнг қанот ҳимоячиси Марко Палестра ўйинларини диққат билан кузатмоқда. 20 ёшли футболчи «Аталанта»га тегишли бўлса-да, жорий мавсумда ижара асосида «Кальяри» сафида ҳаракат қилмоқда. Инсайдер Николо Скиранинг маълумотига кўра, «канонирлар» скаутлари «россоблу»нинг сўнгги учрашувларида футболчининг салоҳиятини яқиндан баҳолаш учун трибуналарда бўлган. Бу ҳақда euro-football.ru хабар беради.

Transfermarkt Марко Палестрани 25 млн евроға баҳолаган, бироқ «Аталанта» истиқболли латераль учун бундан икки баробар кўпроқ — 50 млн евро талаб қилмоқда. Аввалроқ италиялик футболчига АПЛнинг бошқа йирик клублари ҳамда А Сериянинг етакчи жамоалари қизиқиш билдираётгани ҳақида ҳам хабарлар тарқалган.

Sardor Ergashev

«ZAMIN.UZ» муҳаррири