АҚШ Эрон ҳудудига нисбатан ҳарбий амалиётни бошлади. Вазият фонида ФИФА бош котиби Маттиас Графстрем мавзуга муносабат билдирди. Бу ҳақда euro-football.ru хабар беради.
Графстремнинг айтишича, у ҳам эрталаб бошқалар қатори янгиликларни ўқиган. ФИФА раҳбарияти шу куни йиғилиш ўтказган бўлса-да, ҳозирча воқеаларга батафсил изоҳ бериш эрта эканини таъкидлади. Унинг сўзларини ESPN келтирди: «Бугун эрталаб Эрондаги янгиликларни сизлар каби ўқидим. Бугун йиғилиш ўтказдик. Ҳозир буни батафсил шарҳлашга эрта. Дунё бўйлаб вазият ривожини кузатиб борамиз».
Шуни ҳам эслатиш жоизки, ёзда АҚШ Канада ва Мексика билан бирга футбол бўйича жаҳон чемпионатига мезбонлик қилади. Мундиал йўлланмасини қўлга киритган жамоалар орасида Эрон терма жамоаси ҳам бор, шу боис вазият янада мураккаблашмоқда.
Ҳозирги амалдаги жаҳон чемпиони Аргентина ҳисобланади. Ёзда «альбиселесте» жамоаси кубокни ҳимоя қилиш учун майдонга тушади.
“Zamin”ни Telegram'да ўқинг!
