Туркиянинг икки йирик клуби — Галатасарой ва Фенербаҳче вакиллари бўлган икки футболчи ставкаларда иштирок этгани сабаб жиддий жавобгарликка тортилиши мумкин. Бу ҳақда euro-football.ru хабар беради.
Гап Галатасарой ҳимоячиси Метехан Балтаджи ҳамда Фенербаҳче сардори Мерт Ҳакан Яндаш ҳақида кетмоқда. Уларга нисбатан мос равишда 13 йил ва 17 йилгача озодликдан маҳрум этиш эҳтимоли бор.
Sabah нашри хабарига кўра, Балтаджи камида икки марта Галатасарой ўйинларига пул тиккан. У ўша баҳсларда асосий таркибда майдонга тушмаган бўлса-да, қайдномада бўлган — бу эса футболчининг натижага таъсир ўтказиш имконияти бўлиши мумкинлигини англатади.
Туркия қонунчилигига кўра, профессионал спортчи тикиш вақтида ўз мақомини букмейкерларга билдириши шарт эди. Бироқ футболчи бу талабни бажармагани айтилмоқда.
“Zamin”ни Telegram'да ўқинг!
