Саудия Пролигасининг 25 туридан ўрин олган навбатдаги қизиқарли баҳс бугун бўлиб ўтади. Унда "Ан Наср" клуби ўз майдонида "Неом" жамоасини қабул қилади. Учрашув Тошкент вақти билан 23:59 да старт олиши белгиланган.
Ўйин олдидан мезбонлар ўзларининг асосий таркибини эълон қилди. Бироқ мухлислар учун бироз нохуш хабар бор: жамоа сардори Криштиану Роналду жароҳати сабабли ушбу учрашувни ўтказиб юборади. Португалиялик юлдузнинг йўқлиги жамоа ҳужум чизиғида қандай ўзгаришлар ясаши барчага қизиқ.
Айни дамда "Ан Наср" турнир жадвалида иккинчи ўринни эгаллаб турибди ва чемпионлик учун курашни давом эттирмоқда. Уларнинг рақиби "Неом" эса мусобақа жадвалида саккизинчи поғонада бормоқда. "Ан Наср" таркибида бугун Бенто, Боушал, Симакан, Амри, Мартинес, Брозович, Анжело, Коман, Мане, Феликс ва Ал Ҳамдан каби футболчилар майдонга тушиши кутилмоқда.
“Zamin”ни Telegram'да ўқинг!
