Ироқ миллий терма жамоаси бош мураббийи Грем Арнольд FIFA ташкилотига мурожаат қилиб, ЖЧ саралаш плей-офф босқичи ўйинини қолдиришни сўради. Яқин Шарқдаги кескин вазият ва Эрон ҳудудидаги ҳарбий ҳаракатлар сабабли Ироқ ҳаво ҳудуди 1 апрелга қадар ёпилган. Бу эса жамоанинг Мексикада бўлиб ўтадиган ҳал қилувчи баҳсга етиб боришини имконсиз қилиб қўйди. Бу ҳақда goal.com хабар беради.
Ироқ терма жамоаси 31 март куни "Суринам" ёки "Боливийа"га қарши майдонга тушиши керак эди. Бироқ, мураббийнинг сўзларига кўра, мамлакатдаги ички чемпионат футболчиларини йиғиш ва уларга виза олиш билан боғлиқ жиддий муаммолар юзага келган. Ҳатто мураббийнинг ўзи ҳам Бирлашган Араб Амирликларида қолиб кетган ва жамоа билан бирга бўла олмаяпти.
Грем Арнольднинг таъкидлашича, хорижда ўйнайдиган футболчилардан иборат таркибни майдонга тушириш жамоанинг имкониятларини пасайтиради. У FIFA ўйинни кечиктириши орқали Ироққа муносиб тайёргарлик кўриш имконини беришига умид қилмоқда. Ироқ футбол федерацияси раҳбарияти ҳам вазиятни ижобий ҳал қилиш учун тинимсиз ҳаракат қилмоқда.
Агар FIFA ўйинни қолдирса, бу Ироқ терма жамоасига 40 йиллик орзусини амалга ошириш учун қўшимча вақт тақдим этади. Ҳозирда бутун футбол олами Сюрихдан келадиган расмий қарорни кутмоқда. Агар логистик муаммолар туфайли жамоа мусобақадан четда қолса, бу Ироқ халқи учун жуда ачинарли ҳолат бўлади.
“Zamin”ни Telegram'да ўқинг!
