Футбол оламининг энг йирик мусобақаси — Жаҳон чемпионати бу йил яна бир янгилик билан мухлисларни ҳайратга солишга тайёр. FIFA томонидан финал учрашувига илк бор махсус шоу-дастур киритилди.
Жаҳон футбол ташкилоти Global Citizen билан ҳамкорликда катта лойиҳани амалга оширмоқда. Унга кўра, учта давлатда бир вақтда ўтадиган финал баҳсининг танаффус қисмида кенг кўламли кўнгилочар дастур намойиш этилади.
Асосий финал беллашуви 19 июль куни MetLife Stadiumда бўлиб ўтади. Ташкилотчилар ушбу ўйин давомида жаҳонга машҳур ижрочилар иштирокидаги чиқишларни режалаштирган. Бу эса футбол мухлислари учун одатий финал эмас, балки ҳақиқий шоуга айланишини англатади.
Мутахассислар фикрича, мазкур тадбирни қарийб 2 миллиардга яқин томошабин кузатиши мумкин. Бу эса финални нафақат спорт, балки глобал кўнгилочар ҳодисага айлантириши кутилмоқда.
ФИФА президенти Gianni Infantino ҳам бу ташаббусга алоҳида тўхталиб, футбол ва шоу элементларини уйғунлаштириш бутун дунё аудиторияси учун мутлақо янги тажриба бўлишини таъкидлади. Унинг сўзларига кўра, бу каби формат келажакдаги турнирларга ҳам таъсир ўтказиши мумкин.
Шу билан бирга, Нью-Йорк шаҳри марказида жойлашган Times Square ҳам Жаҳон чемпионати муҳитини ҳис қилиш мумкин бўлган асосий нуқталардан бирига айланади. Бу ерда мухлислар учун махсус фан-зоналар ва турли интерактив тадбирлар ташкил этилиши режалаштирилган.
Қисқаси, бу йилги финал оддий ўйин эмас — футбол, шоу ва глобал шоу-бизнеснинг реал микси бўлади. Агар ҳаммаси режадагидек кетса, бу формат келажакдаги финаллар учун ҳам янги стандартга айланиши ҳеч гап эмас.
“Zamin”ни Telegram'да ўқинг!
