“Реал Мадрид” Килиан Мбаппе жамоага қўшилганидан бери Чемпионлар лигасида кетма-кет иккинчи мавсум чорак финал босқичидан ўта олмади. Француз ҳужумчиси 2024 йил ёзида мадридликлар сафини эркин агент сифатида тўлдирган эди, аммо шу вақтгача жамоа ярим финал эшигини оча олмаяпти.
Бу вазият мухлислар орасида турли муҳокамаларга сабаб бўлмоқда. Чунки Мбаппе келиши билан “Реал” яна Европа миқёсидаги асосий фаворитлардан бири сифатида кўрилганди. Бироқ натижалар кутилган даражада бўлмаяпти.
Қизиғи шундаки, Пари Сен-Жермен эса Мбаппе жамоани тарк этганидан кейин анча барқарор натижалар кўрсатди. Париж клуби икки мавсум кетма-кет ярим финалга йўл олди ва 2025 йилда ҳатто тарихида илк бор Чемпионлар лигаси совринини қўлга киритди.
Бу эса футбол дунёсида қатор таққослар ва муҳокамаларни кучайтирмоқда. Бир томонда “Реал”нинг мураккаб йўли, иккинчи томонда эса ПСЖнинг янги босқичга чиқиши.
Жорий мавсумда эса “қаймоқранглилар” 1/4 финалда “Бавария”га мағлуб бўлиб, турнир билан хайрлашди. Бу яна бир бор мадридликлар учун Европа аренасида кутилган натижа чиқмаганини кўрсатди.
Қисқаси, Мбаппе атрофидаги катта умидлар ҳали тўлиқ амалга ошмаган. Энди эса “Реал” учун асосий савол — келгуси мавсумда бу сценарийни ўзгартириш мумкинми?
“Zamin”ни Telegram'да ўқинг!
