Конференциялар лигасида яримфиналчилар аниқланди: сенсациялар кузатилди

Европанинг яна бир нуфузли турнири — Европа Конференциялар лигасида чорак финал босқичи якунига етди. Қизиқарли ва кутилмаган натижаларга бой бўлган баҳслар орқали ярим финалга чиққан жамоалар номи маълум бўлди.

Италиянинг "Фиорентина" жамоаси ўз майдонида "Кристал Пэлас"ни 2:1 ҳисобида мағлуб этган бўлса-да, икки ўйин натижасига кўра инглизлар кейинги босқичга йўл олди. Илк учрашувдаги 3:0 ҳисоб “Пэлас”га ҳал қилувчи устунликни берган эди.

Фиорентина – Кристал Пэлас 2:1
Голлар: Гудмундссон 30 пеналти, Ндур 53 – Сарр 17
Биринчи ўйин: 0:3

Франциянинг "Страсбург" клуби эса ҳақиқий сенсация яратиб, Германиянинг "Майнц" жамоасини мусобақадан чиқариб юборди. Биринчи ўйинда 0:2 ҳисобида мағлуб бўлган французлар жавоб баҳсида рақиб дарвозасига жавобсиз 4 та гол йўллаб, камбэкни амалга оширди.

Страсбург – Майнц 3:0
Голлар: Нанаси 26, Оуаттара 35, Энсисо, Эмега 74
Биринчи ўйин: 0:2

Грециянинг АЕК жамоаси "Райо Валекано" устидан 3:1 ҳисобида ғалаба қозонганига қарамай, биринчи ўйиндаги 0:3 мағлубият сабаб мусобақани тарк этди. Испаниядаги баҳсда “Райо” йирик устунликка эга бўлганди.

АЕК – Райо Валекано 3:1
Голлар: Зини 13, 51, Марин 36 пеналти – Палазон 60
Биринчи ўйин: 0:3

Нидерландиянинг АЗ "Алкмар" ва Украинанинг "Шахтёр" клуби ўртасидаги учрашув 2:2 ҳисобида дуранг билан якунланди. Биринчи ўйиндаги 3:0 ғалаба “Шахтёр”га ярим финал йўлланмасини тақдим этди.

АЗ – Шахтёр 2:2
Голлар: Янсен 73, Син 80 – Алиссон 58, Лука 83
Биринчи ўйин: 0:3

Шу тариқа, Конференциялар лигасидаги чорак финал босқичи сенсацион натижалар ва драматик бурилишларга бой тарзда якунига етди. Энди эса мухлисларни янада кескин ва қизиқарли ярим финал баҳслари кутмоқда.